На годинешниот конкурс за литературни творби насловен „ЗЛАТНА ПЕРКИЈА“ што го објави Општина Дојран на тема Дојран пристигнаа повеќе дваесетина песни и прозни записи. Водејќи се од естетските вредности на пристигнатите творби, жирито одлучи да додели две награди. Првата награда се додели на песната „Дојранска елегија“ од Иван Василевски од Струмица, а втората на „Раѓањето на туѓинецот“ од Тони Аврамов од Гевгелија.  Жирито реши третата награда да не се додели. Конкурсот кој беше отворен еден месец за сите поети и писатели од Републиката имаше за цел да ја збогати културната манифестација „Дојрански ракувања“ а воедно и создаде нов начин на  величење и опишување на дојранските убавини и традиционалности. Наградите на најуспешните беа свечено доделени на манифестација посветена на поезијата и афоризмите во рамките на „Дојрански ракувања“.

На 03.07.2010 година околу 16,30 часот на планината Кожув, на м.в.„Две уши“, пронајден е починат Ќемал Ј.(1958) од с.Ѓопчели-Гевгелија. Смртта (најверојатно од удар од гром) е констатирана од страна на лекар од Брза помош. По наредба на ИС, телото на починатиот е предадено на обдукција

Горан Грошев член на Kик бокс клубот “Аждер Aполонија” од Гевгелија на неодамна одржаниот балкански натпревар во кик бокс во својата категорија го освои првото место. Ова е уште еден значаен резултат на овој гевгелиски клуб покрај останатите светски трофеи што ги има досега добиено клубот.

Во рамките на проектот Моќта на уметничкото соединување, инициран и реализиран од страна на Центарот за помош на лица со ментален хендикеп ПОРАКА НЕГОТИНО, а поддржан од страна на Швајцарската Амбасада во Република Македонија, од 01 до 04 јули, во Летниот Камп Партизан во Дојран престојуваа претставници на Здружението за помош на лица со пречки во развојот СТАРИ ГРАД – Београд, Република Србија.

Во неколкудневното дружење се реализира работилница за размена на искуства и знаења помеѓу двете организации за процесот на подготовка и реализација на театарски претстави кои вклучуваат лица со пречки во менталниот развој. На сцената во летниот камп бea презентирани две театарски претстави во кои учествуваат лица со пречки во менталниот развој.

Целта на овој проект е преку културата и културни активности да се постигне што поголема социјализација и интеграција на лицата со пречки во менталниот развој во Заедницата.

Ова е прва средба од ваков тип меѓу Македонија и Србија. Проектот предвидува уште една ваква средба која ќе се реализира во ноември во Белград. Тенденција е овој проект да се прошири и во останатите бивши југословенски републики, па и пошироко во Европа, меѓу организации кои работат за помош на лица со пречки во менталниот развој, предводени од Центарот за помош на лица со ментален хендикеп ПОРАКА НЕГОТИНО НЕГОТИНО.

К  О  Н  К  У  Р  С

за литературни творби – поезија

Тема –ЉУБОВ- слободен стих

-ЈОУ Дом на култура објавува КОНКУРС  на тема “ЉУБОВ“ за млади неафирмирани поети кои имаат афинитети кон убавиот збор и пишувањето. Право на учество на конкурсот имаат сите граѓани на Гевгелија и пошироко.

-Творбите ќе бидат објавени во втората книга “Љубовта водилка“ во издание на Домот на културата од Гевгелија, а за најуспешните се предвидени вредни награди.

-Втората сценско-музичка и поетска Манифестација “Љубовта водилка“ како и промоција на новото издание на љубовна поезија ќе биде одржана на почетокот на Месец Јуни 2010 год.

Творбите да се испраќаат на адреса ЈОУ Дом на култура ул.“Македонија“б.б. Гевгелија во компјутерска обработка, најдоцна до 15. Мај 2010 год.

На 23 април во хотел „НАР“ во Гевгелија се одржа втората поетско-музичка вечер „Воскреснувам во мојата песна“, посветена на светскиот ден на книгата и авторското право. Во организација на Библиотеката „Гоце Делчев“ од Гевгелија на манифестацијата учествуваа ученици, професори, лекари и музичари кои ослободени од прангите на дневно-политичките случувања и се вратија на основната двигателка на човековиот ум - книгата.23 Април се прославува 15 години, а Библиотеката од Гевгелија веќе три години овој ден го одбележува на различни начини. Секој учесник во програмата како симбол и одбележје на денот доби книга, беше прочитана и повелбата од УНЕСКО за овој ден и доделена наградата од конкурсот за најдобар есеј што го распиша Библиотеката.

23 април е избран од УНЕСКО како ден кога се слават писателите и нивните дела.
Идејата за празникот потекнува од Каталонија, каде на овој ден традиционално се подарува роза за секоја купена книга.
Библиотеката „Гоце Делчев“ од Гевгелија овој ден ќе го прослави со традиционалното читање поезија и интерпретирање музика од роднокрајни автори, книжевници и ученици. Манифестацијата под името „Воскреснувам во мојата песна“ ќе се одржи во хотел „Нар“ во Гевгелија со почеток во 20,00 часот на 22 април (четврток).

23 април е избран од УНЕСКО како ден кога се слават писателите и нивните дела. Идејата за празникот потекнува од Каталонија, каде на овој ден традиционално се подарува роза за секоја купена книга. Во Македонија веќе 12 години се празнува денот на книгата и авторското право.

23 Април е избран затоа што на тој ден во 1616 година починале Мигел де Сервантес и Вилијам Шекспир.

Библиотеката „Гоце Делчев од Гевгелија се вклучува во одбележувањето на овој ден со повеќе активности, а завршната манифестација ќе биде одржана на 23 април 2010 година во хотелот „Нар“ во Гевгелија со почеток во 20,00 часот.

Библиотеката објавува конкурс за есеј на тема

Книгата и нејзината вистина

                - Есејот да не биде подолг од две страници, пишуван во Word со кирилични букви (големина на букви 12);

- Конкурсот е анонимен;

- Есеите пишувани со шифра, напечатени на ЦД во 1 примерок и на хартија во формат А4 во 4 примерока, заедно со затврен плик со лични податоци за идентификација на авторот да се стават во плик и да се испратат на адреса:

Библиотека „Гоце Делчев“

(За конкурсот за есеј)

Ул. „Васо Карајанов“ 1

Гевгелија

Конкурсот е отворен до 15 април 2010 год.

Авторството ќе биде докажувано со петтиот примерок од есејот кога ќе биде отворен и пликот со личните податоци за идентификација на авторот.