Денес, на 4 февруари, родениот ден на Гоце Делчев, патрон на Библиотеката од Гевгелија, се спроведоа неколку активности кои ќе придонесат за осовременување и приклучување кон современите процеси на библиотечно работење. Официјално започна и се промовира facebook на Библиотеката кој стартуваше со 340 фанови, а во медијатеката беа поставени два компјутери за корисниците кои ќе можат да бесплатно да користат интернет.

Кон крајот на месец февруари Библиотеката ќе го организира редовниот зимски саем на книгата. Саемот ќе се одржи во просториите на Библиотеката, а на него според најавите ќе учествуваат познатите издавачки куќи „Култура“, „Феникс“, „Наша книга“, „Детска радост“. За првпат на саемот ќе учествува и издавачкиот центар „ТРИ“.

По две години пауза Библиотеката од Гевгелија повторно ќе ја органзира поетско-музичката манифестација „За тебе љубов моја“. По тој повод се покануваат сите заинтересирани поети, писатели, пејачи, музичари  и ликовни уметници да се пријават за учество во Библиотеката секој работен ден од 7,00 до 14,00 часот, најдоцна до 22 февруари 2010 година.

Контакт: Тони Аврамов 070 320 878  034 211 564  bibliotekagevgelija@yahoo.com

Роднокрајниот оддел при Библиотеката „Гоце Делчев“ – Гевгелија

распишува

К О Н К У Р С

за поетска творба

на тема „За тебе љубов моја“

Право на учество имаат сите граѓани од Гевгелија и гевгелиско.

Творбите треба да бидат испратени на адреса

Библиотека „Гоце Делчев“

Ул. „Васо Карајанов“ 1

1480 Гевгелија

или на e-mail:

bibliotekagevgelija@yahoo.com

Со творбата да се достават и следниве податоци:

-          име и презиме на авторот;

-          дата на раѓање;

-          место на живеење;

-          телефон за контакт и е-mail.

Творбите се доставуваат најдоцна до 22 февруари 2010 година.

Едно лице може да учествува со најмногу три творби.

Најуспешните поетски творби ќе бидат промовирани на

Поетско-музичката манифестација „За тебе љубов моја 2010“ која ќе се одржи на 4 март 2010 година.

За подетални информации може да се обратите во Роднокрајниот оддел во Библиотеката во Гевгелија кај лицето

Тони Аврамов (тел. 034 211 564  070 320 878).

Библиотеката од Гевгелија започна со упис на нови членови за 2010 година. Годишната членарина изнесува 150 денари, а изнајмување на книга 10 денари. Управниот одбор на Библиотеката одлучи оваа година да се користи и интернет пристап за сите заинтересирани со годишна члнарина од 200 денари, а дневното користење на електронската читална да не биде подолго од 60 минути за еден корисник.